*जीवनाविषयी थोडसं ......*
'जीवन ' म्हणजे काय? हे तसं एका शब्दात, वाक्यात सांगणं कठीण ! जीवन म्हणजे अत्यंत गुंतागुंत. जन्माने जीवनाचा प्रवास तर सुरू होतो. मात्र प्रवसाचा मार्ग माहीत नसतो. कारण उजाडणारा प्रत्येक दिवस,अवचित उभा ठाकणारा पेच प्रसंग अन् थबकणारा क्षण कसा असेल! हे सांगणं निर्मात्याशिवाय सर्वांना अनभिज्ञ. मात्र त्यातून मार्ग काढणं आणि येणाऱ्या क्षणाची चाहूल आणि चाल ओळखणं हे मोठं आव्हान आणि कौशल्य आहे. हे कौशल्य ज्यांना अवगत व आत्मसात करता आलं त्याला जीवनाचा ब्रम्हानंद अनुभवता येतो.
जीवन प्रवास म्हणजे भूतकाळाचा धांडोळा घेऊन वर्तमान वास्तव स्वीकारणं आणि भविष्याचा वेध घेत मार्गक्रमण करणं.
जीवन एक संघर्ष आहे मात्र जीवन प्रवासात सहप्रवाशांना दिमतीला घेऊन येणाऱ्या अडचणी सोडवत, आनंदयात्री होता आलं पाहिजे.
जीवन म्हणजे संगीत आहे फक्त सूर गवसला पाहिजे.
जीवन एक रीत आहे प्रित जुळवता आली पाहिजे. जीवन म्हणजे जन्म आणि मृत्यू यातील प्रवास आहे. जन्म आणि मृत्यू हे आपल्या हातात नसलं तरी. हे अंतर आपण कसं कापतो. यावर आपल्या जगण्याचं मूल्य ठरतं. आपल्या जगण्यामुळं इतरांचं जीणं सुसह्य झालं तरच ते खरं जीणं.....
.......
️ डॉ परमेश्वर पाटील
जीवनाचा खरा अर्थ सांगितलात सर तुम्ही....
ReplyDelete